Запрашаем на аўтарскую сустрэчу на беларускай мове з Таццянай  Казак, з якой мы вырушым у падарожжа ў часе па яўрэйскім Муранаве.

Падчас шпацыру мы пазнаёмімся з адным з самых цікавых варшаўскіх раёнаў – Муранавам, пашукаем сляды мінулага жыцця і месцы, што існавалі яшчэ стагоддзе таму. 

Таксама мы пабачым, як выглядае сучаснае жыццё былога яўрэйскага Паўночнага раёна, даведаемся больш пра ўнікальную канцэпцыю жылой забудовы Муранава, пабудаванай на руінах гета, і адкрыем для сябе цікавыя прыклады ўшаванавання памяці ў выглядзе муралаў.

УВАГА: Будзьце гатовыя прайсці каля двух кіламетраў. Шпацыр адбудзецца ў любых умовах надвор’я (нават неспрыяльных). Раім зручна абуцца, на выпадак дажджу варта мець з сабою парасон і/ці плашч, а ў спякотны дзень – пітную ваду і галаўны ўбор. На шляху нашай экскурсіі будуць трапляцца пагоркі і лесвіцы.